საიტი მუშაობს სატესტო რეჟიმში საიტის ძველი ვერსია

საქართველოს უზენაეს სასამართლოში ადმინისტრაციული სამართლის აქტუალურ საკითხებზე დისკუსია გაიმართა

გამოქვეყნების თარიღი: 2023-07-07

მიმდინარე წლის 7 ივლისს საქართველოს უზენაეს სასამართლოში საერთაშორისო სამართლებრივი გერმანული ფონდის (IRZ) მხარდაჭერით გაიმართა დისკუსია თემაზე - ადმინისტრაციული სამართლის აქტუალური საკითხები ევროპული სამართლის ჭრილში. შეხვედრაში მონაწილეობდნენ ჰამბურგის სოციალური სასამართლოს თავმჯდომარე, ექსპერტი ვოლფგანგ ზივერტი, საქართველოს უზენაესი სასამართლოს, თბილისის საქალაქო სასამართლოსა და თბილისის სააპელაციო სასამართლოს მოსამართლეები.

სემინარის მონაწილეებს მისასალმებელი სიტყვით მიმართეს საქართველოს უზენაესი სასამართლოს თავმჯდომარემ, ნინო ქადაგიძემ და საერთაშორისო სამართლებრივი გერმანული ფონდის  აღმოსავლეთ ევროპა II-ისა და სამხრეთ კავკასიის პროექტების მენეჯერმა, ხათუნა დიასამიძემ. აქტიური დისკუსიის ფორმატში გერმანელ კოლეგასთან ერთად ქართველმა მოსამართლეებმა განიხილეს ადმინისტრაციული სამართლის ისეთი აქტუალური თემები, როგორიცაა: ზიანის ანაზღაურება, ინკვიზიციურობის პრინციპი და მედიაცია ადმინისტრაციულ პროცესში, სამშენებლო სამართლის ზოგადი საკითხები.

საერთაშორისო სამართლებრივი გერმანული ფონდის (IRZ) მხარდაჭერით, ქართველი და გერმანელი მოსამართლეების მონაწილეობით, საქართველოს უზენაეს სასამართლოში პერიოდულად იმართება შეხვედრები სამართლის სხვადასხვა დარგის მიმართულებით, რაც მიზნად ისახავს მხარეებს შორის სამართლებრივი თანამშრომლობის გაღრმავებას.


ბოლო სიახლეები

საქართველოს უზენაესი სასამართლოს პლენუმის სხდომა

საქართველოს უზენაეს სასამართლოში 2024 წლის 23 მაისს, 17:00 საათზე გაიმართება პლენუმის სხდომა. იხ. დღის წესრიგი.

2024-05-22

იხილეთ სრულად
მილოცვა

პატივცემულო მოსამართლეებო, თითოეულ თქვენგანს გულითადად გილოცავთ მოსამართლის დღეს, 15 მაისს! უკვე არაერთი წელია, რაც ეს თ

2024-05-15

იხილეთ სრულად
საქართველოს უზენაესი სასამართლოს მართლმსაჯულების მუზეუმის ვიზიტორთა შესახებ ინფორმაცია

საქართველოს უზენაეს სასამართლოსა და მართლმსაჯულების მუზეუმში  ექსკურსიები 2024 წლის იანვრიდან კვლავ აქტიურად გრძელდ

2024-04-17

იხილეთ სრულად