საიტი მუშაობს სატესტო რეჟიმში საიტის ძველი ვერსია

საქართველოს უზენაეს სასამართლოს ისრაელის სახელმწიფოს პარლამენტის - ქნესეთის თავმჯდომარე ეწვია

გამოქვეყნების თარიღი: 2023-09-04

მიმდინარე წლის 4 სექტემბერს საქართველოს უზენაესი სასამართლოს ეწვია საქართველოში ოფიციალური ვიზიტით მყოფი ისრაელის სახელმწიფოს ქნესეთის დელეგაცია, რომელსაც ხელმძღვანელობდა ქნესეთის თავმჯდომარე, ამირ ოჰანა. შეხვედრას ასევე ესწრებოდნენ: ისრაელის სახელმწიფოს საგანგებო და სრულუფლებიანი ელჩი საქართველოში, ჰადას ესტერ მეიცადი, კონსული ჰადას კოენი და საქართველოს საგანგებო და სრულუფლებიანი ელჩი ისრაელის სახელმწიფოში, ლაშა ჟვანია.

შეხვედრაზე საქართველოს უზენაესი სასამართლოს თავმჯდომარემ, ნინო ქადაგიძემ საქართველოს უზენაესი სასამართლოს თავმჯდომარის მოადგილესთან, გიორგი მიქაუტაძესთან ერთად დელეგაციის წევრებს გააცნო საერთო სასამართლოების სისტემა, აგრეთვე, სტუმრებს ინფორმაცია  მიაწოდა მართლმსაჯულების სისტემის დამოუკიდებლობის, გამჭვირვალობისა და ეფექტიანობის მიმართულებით განხორციელებული რეფორმებისა და სამომავლო ხედვების თაობაზე.

შეხვედრა აქტიური დისკუსიის რეჟიმში წარიმართა, მხარეებმა განიხილეს საქართველოსა და ისრაელის სასამართლო სისტემის მოდელებს შორის მსგავსება და განსხვავება.

შეხვედრის ფარგლებში, მხარეებმა ხაზი გაუსვეს საქართველოსა და ისრაელს შორის თანამშრომლობის შემდგომი გაღრმავების მნიშვნელობას. შეხვედრის დასასრულს კი, სტუმრებმა დაათვალიერეს უზენაესი სასამართლოს ისტორიული შენობა და მართლმსაჯულების მუზეუმი.

 


ბოლო სიახლეები

ნაფიც მსაჯულთა იმიტირებული სასამართლოს ეროვნული ჩემპიონატის დასკვნითი ღონისძიება

მიმდინარე წლის 16 თებერვალს საქართველოს უზენაეს სასამართლოში გაიმართა ნაფიც მსაჯულთა იმიტირებული სასამართლოს ეროვნული ჩე

2024-02-19

იხილეთ სრულად
საქართველოს უზენაესი სასამართლოს თავმჯდომარე მსოფლიო იურისტთა ასოციაციისა და მსოფლიო სამართლის ფონდის წარმომადგენლებს შეხვდა

მიმდინარე წლის 7 თებერვალს საქართველოს უზენაესი სასამართლოს თავმჯდომარე - ნინო ქადაგიძე მსოფლიო იურისტთა ასოციაციის (WJA

2024-02-07

იხილეთ სრულად
საქართველოს უზენაესი სასამართლოს პლენუმის სხდომა

საქართველოს უზენაეს სასამართლოში 2024 წლის 7 თებერვალს, 17:00 საათზე გაიმართება პლენუმის სხდომა. იხ. დღის წესრიგი.

2024-02-05

იხილეთ სრულად